Монголын хөлбөмбөгийн холбооны ээлжит бус сонгууль өчигдөр болж тус холбооны ерөнхийлөгчөөр Ц.Анандбазарыг сонгосон билээ. Гэвч хөлбөмбөгчин, дасгалжуулагч, хөлбөмбөгийн зүтгэлтнүүд шинэ ерөнхийлөгчийг хүлээн зөвшөөрөхгүй гэдгээ илэрхийлж, түүнийг эсэргүүцэх хөдөлгөөнийг эхлүүлсэн. Тэгвэл энэхүү хөдөлгөөн нь хөлбөмбөгийн клубүүд болон тэдгээрийн ивээн тэтгэгч нараар хүрээгээ тэллээ.
Үүнд, Үндэсний Дээд лигийн “Дэрэн”, “Хангарьд” клубүүдийг нэрлэж болно. Түүнчлэн “NCD Group“, “Алтекс Дижитал Бирж“ , “Wave Sport Lounge” зэрэг компаниуд ч гэсэн энэ цагаас эхлэн хөлбөмбөгтэй холбоотой хамтын ажиллагаагаа зогсоож байна гэв.
