1 мин

7 хоногт ердөө 1 цаг дасгал хийх нь сэтгэл гутралыг 18 хувиар багасгадаг

Г.Сүрэн 2022.05.12 2 1

4

Дасгал хөдөлгөөн, йога, бясалгал хийх нь сэтгэл гутралын эмчилгээнд зайлшгүй багтдаг. Тэгвэл 7 хоногт ердөө 1 цаг дасгал хийхэд л сэтгэл гутралын хэмжээ эрс багасдаг болохыг Кембрижийн Их сургуулийн эрдэмтэд 15 төрлийн туршилт судалгаагаар тогтоожээ. 

Судалгаанд 191 мянга гаруй өөр өөр насны хүмүүс оролцсон бөгөөд 7 хоногт дор хаяж 1 цагийн дасгал хөдөлгөөн хийх нь огт хийхгүй үеийнхээс 18 хувиар сэтгэл гутралын хэмжээг багасгадаг нь ажиглагджээ. Хэрэв 7 хоногт 2.5 цаг, эсвэл өдөр бүр дор хаяж 20 минут дасгал хөдөлгөөн хийвэл эл хэмжээ 25 хувь болон нэмэгдэх юм.

Дэлхий даяар сэтгэл гутралаар оношлогдсон 280 сая хүн байдаг бөгөөд өөр өөр шалтгаантайгаас үл хамааран дасгал хөдөлгөөн хийхийг сэтгэл зүйчид зөвлөдөг билээ. Дасгал хөдөлгөөнийг заавал их хэмжээгээр өдөр бүр хийх бус өөрт тохирох хэмжээгээр өдөр тутмын үйлдэлтэйгээ хослуулан хийх нь бие махбод төдийгүй сэтгэл зүйд ч эерэг нөлөөтэйг судлаачид онцолж байна.  

ДЭМБ-аас 65 хүртэлх насны хүмүүсийг 600 мет минут дасгал хийхийг зөвлөдөг. MET нь хүний жин, хийх хөдөлгөөнөөс хамааран шатаах калор, хэмжүүрийг гаргах тооцоолол юм. Жишээ нь, дунджаар 70 кг жинтэй хүний 1 минутын тооцооллыг авч үзвэл:

• Дугуй унах нь 7.5 мет минут 
• Салса бүжиглэх нь 4.5 мет минут
• Цонхоо арчих нь 3.2 мет минут
• Зогсоогоороо гитар тоглох нь 3 мет минут зэргээр бодогдох юм. Та өөрийн MET  хэмжүүрийг энд даран үзээрэй. 

Эх сурвалж: inverse.com

Г.Сүрэн 2022.05.12

4